Nggena Ro Ndeka Rua
Keta, Petu ne’e Mbanga bhaze sekola. Zera na ebe bhaze muzu.
Ndewe ebe zeze peka guru na’u pas apel pagi. Sekitar jam sepuluh
zatu ata bidan ne’e mantri mai zau puskesmas tau su’a imunisasi ebe. Ebe taku
kalo sua. Na eze mogo oba sa uzu ria soO. Makanya, ebe bolos sekolah. Ebe bhaze
dheko nggoze, taku guru ozo tei. Eze ozo imu ebe tei, ebe iwa taku. Kalo ozo
imu ebe lapo, na Ii pa’a nggena ro. Ebe ngama, ebe ata kasa mere, pale jago one kelas na.
Ebe fonga bhaze saO, tapi ebe mogha piki. Taku ine ema ebe
aze tei ebe bhaze mesa, sedangkan ozo imu ata nua sama ebe za’e bhaze. Makanya,
ebe rencana mbana nggae rewo koO gu’awa ato nio nggedha ndeka ngebo uma ata.
Gu’awa tau ka, nio nggedha tau pa nggezu ne’e
geta wai mbuzu rua ndeka kios koO Ine
Ara.
Nore Ae Toa ebe tei gu’awa
esa loO taka. Ebe mbana zimba. Mbana ngere mbana ebe pa sambu ne’e pu’u jambu
air. Ebe kodho ngidho ngadho sai mbeO ki zatu nggere
nggae kai. Rasa ngere ata seru mai reu ebe naru rogha. Ebe sengaja nggae nio
nggedha. Ebe imu tezu na, dapa nio nggedha sa ziwu zera na. ebe sena mesa. Ebe
coba kira wizo wazo, kalo nio sa ziwu dapa geta wai pira. Maklum, ebe ana kela
satu maso baru, jadi za’e mbai mbeo koO berhitung.
Keta si widha mbuzu zima, Petu si wai mbuzu zima rua, mbanga
si wai mbuzu zima esa. Ebe pa bheo dhu ebe zeze ata rita we’e ndeka pu’u zeze
mere. Ebe paru mbeja. Na pasti nitu pa’i rita. Keta ngestei ne’e ngata samboko.
Ngere iwa mbai reu, ebe iwa zeze rita na. ebe bhaze wazo. Ebe e Ii zetu koO
jambu air ata ebe tei te’a toro peka na.
Ndeka wena pu’u jambu air, ebe pa rundi ka. Sai ata nai, ne’e
sai ata napa retana tau pizi dawu esa ki ata mesu. Ngestei tau timba tato, Mbanga
tau tanda salib langsung nai (ndoe,
padaha naka tapi sembaya rogha), iwa ka napa. Keta ne’e Petu napa wena
tana. Ngere sa ebho Ii, ebe rasa gera mogha ne’e Mbanga. Kai iwa pu’i pati mesu
sa esa pu. Kai ka mesa ki. Ka tazo kai pusi ndeka saku sezake ne’e zambu kai.
Ebe mai wena mulai gera. Ebe kera niu pai, Mbanga.
Iwa mbeo, zatu ata kera mai zodhe ngebo. “sai reze wawo”.
Zeze seru na, Keta ne’e Petu woku paru. Mbanga taku mogha.
Kai wau zima zama, tapi kai keso saza ndeka tara tu’u. Kai mesu bebha pa’a
ndeka tana. Zeze bunyi Mbanga mesu, Keta ne’e Petu mai wazo. Ata kera mai wena
se’a ka mogha. Ata Baba Api. Jambu air na koO kai mogha. Kai gera tazo ka, tei
ana ata mesu toO tazo ka na.
Piki wizo wazo, kai tu wazo ebe na tau nore sekola. Sekola
jadi heboh. Pas na bidan ne’e matri mai peka. Langsung periksa muzu Mbanga ata
kera nderu mesa. Guru aze ndeka Petu.
“tu apa miu bhaze muzu?”
“kami taku sua, Ibu”
Keta ne’e Petu nggena kebha begitu zeze Ata Baba Api cerita
si’i ebe naka jambu air ki. Sawe na ebe dapa su’a imunisasi campak. Kalo Mbanga
dapa su’a ndeka tepa nee zodhe. Ebe dapa kebha ne’e su’a zera na. Ro na.
“makanya, kere wazi ma’e jogha jai wezi. Mesa iwa, miu dapa
ro ndeka tepa we’e. Iwa ndeka pipi mogha” ibu bidan ngestei nau nena ebe.
“kami mbea ka, Ibu e”
Mulai
na ebe belaja bugu. Ebe jadi tuli ne’e baca mbeO. (*) (Djho_Izmail)
